Mette Frederiksen verður statsministari ella forsætisráðfrúgv. Tað var alt annað enn óvæntað, men mong í baklandinum eru skelkað av, at Nicolai Wammen, ið áður hevur verið fíggjarmálaráðharri, nú ”bert” verður løgmálaráðharri ella justitsministari. Fíggjarmálaráðharri verður Peter Hummelgaard, og tað síggja mong sum tekin um, at hann nú er nýggi ”krúnprinsurin” hjá Mette Frederiksen.

Uttanríkis- og integratiónsministari verður Morten Bødskov, meðan Magnus Heinicke verður undirvísingarmálaráðharri. Javnstøðuráðfrúgv og virknismálaráðfrúgv (beskæftigelsesminister) verður Ane Halsboe-Jørgensen, og verjumálaráðharri verður Jeppe Bruus. Ida Auken verður heilsumálaráðfrúgv og kirkjumálaráðfrúgv, og náttúru- og djóravælferðarráðharri verður Christian Rabjerg Madsen.

Fara vit til SF, Socialistiska Fólkaflokkin, verður forkvinnan Pia Olsen Dyhr búskapar- og innanríkismálaráðfrúgv; býar-, lands- og ferðamálaráðfrúgv (transportminister) verður Signe Munk og Lisbeth Bech-Nielsen verður samfelagstrygdarráðfrúgv og tilbúgvingarráðfrúgv. Maria Reumert Gjerding, sum ikki er limur í nøkrum flokki, men sum SF hevur útnevnt, verður umhvørvismálaráðfrúgv, og barna-, eldra- og bústaðarmálaráðharri verður Jacob Mark.

Moderatarnir fáa 4 ministarapostar: Lars Løkke Rasmussen verður uttanríkisráðharri, Jakob Engel-Schmidt verður skatta- og vakstrarmálaráðharri, Monica Rubin verður sosialmálaráðfrúgv og ministari fyri norðurlendskt samstarv, meðan Christina Egelund verður granskingar-, útbúgvingar- og talgildisráðfrúgv.

Og í Radikala Vinstra verður Martin Lidegaard tað, ið rópast Erhvervs- og konkurrencekraftsminister, Samira Nawa veðurlags-, orku- og veitingarmálaráðfrúgv, meðan Zenia Stampe verður mentamálaráðfrúgv.