Vanliga fara tey ígjøgnum fleiri ymiskar arbeiðshættir, og í ár hevur tey millum annað havt glaslist og málningalist umframt, at tey hava prentað bæði linoliumsprent og gelprent, gjørt smykkur og leir.

Eisini hava næmingarnir havt tvær vitjanir, sum Listaleypurin skipaði fyri. Fyrst hevði Marjunardóttir eina bindiverksstovu undir heitinum Bind eina kenslu, og síðani varð arbeitt við Gandakenda ljósinum, har tey tóku myndir, sum tey sjálvi framkallaðu. 

Fyri at taka saman um árið, fingu næmingarnir ein bundna uppgávu. Til hesa uppgávuna høvdu næmingarnir tveir fríggjadagar.

Uppgávuorðingin var hendan:

Skapa eitt listarverk, sum lýsir eitt hvørt huglag (handaligt)
Nýt arbeiðshættir og teknikkir, sum vit hava lært hetta árið (handaligt)
Greið í stuttum frá, hvør hugsanin aftan fyri listarverkið er (skrivligt)
Greið í stuttum frá, hvørjar arbeiðshættir, og hvat tilfar, tú hevur nýtt (skrivligt)
Tað er altíð stuttligt at síggja, hvussu næmingarnir arbeiða, tá ið teir fáa eina bundna - tó fría - uppgávu, sum hesa. Og um tit eru áhugað at vitja framsýningina við verkum teirra, so finna tit hana beint uttan fyri Bókasavnið á Skúlatrøð.

Les her um verkstovuna Bind eina kenslu.