Hyrox er hybrid venjing, har tú samantvinnar kardio og styrki. Ein Hyrox bylgja er runt alla verðina og sjálvandi er Hyrox feburin eisini komin til Klaksvíkar.

Tey, ið luttóku fingu smakkin av hvussu eitt Hyrox sær út og merkist og skuldu øll ígjøgnum 8 statiónir við styrkiøvilsum umframt at tey skuldu renna eina rundu á rennibreytini ímillum hvørja statión.

Heili 40 høvdu tekna seg og veðrið var av tí allar besta.

“Ein heilt ótrúliga góður dagur. Tað er so well at skipa fyri tá fólkið tekur undir við tí og tá øll eru við uppá tað” sigur Sølvá, sum fyriskipaði mini Hyrox. Hyrox er liðvenjing í Íðka, ið tú kanst ganga til fleiri ferðir um vikuna.