KÍ kann við sigri leggja seg á odda í deildini í øllum førum fram til mánakvøldið, tá B36-NSÍ hittast. Men tað er ikki vist, at KÍ fær nakran lættan dyst, hóast Skála liggur aftast í deildini. Tí Skála hevur vunnið stig móti B36, Víkingi og NSÍ, meðan allir hinir dystirnir eru taptir við einum máli. KÍ hevur nærum alt kappingarárið havt torført við at skapt dystir og skorað mál, men kanska er okkurt við at venda, tí KÍ hevur síðstu tveir dystirnar skorað tvey og trý mál á útivølli móti HB og B68.

Hjá KÍ kann KÍ koma at mangla nærum helvtina av sterkastu uppstilling vegna skaðar. Sebastian John, René S. Joensen, Gaston Tellechea, Hallur Hansson og Patrik Johannesen spældu ikki seinast og spæla neyvan heldur hesaferð. Hjá Skála hevur svenski Markus Reisi ikki spælt síðstu dystirnar.

Dysturin á Djúpumýru byrjar kl. 15.00. Dómari verður Dagfinn Forná.