Fyrireikingar til Norðoyastevnuna hava verið  í eina tíð, men er nakað eftir at koma á mál.

Úr rúgvunini kann nevnast konsert við Klaksvíkar Hornorkestri og Havnar Hornorkestri, sum spæla í Varpinum, Annfinn & Co, sum hava konsert í Varpinum, Klaksvíkar Sjónkeikarafelag, sum hava Norðoyastevnuteitið í Spinnarínum og framføra eisini “90 ára Føðingardagin” í Varpinum, hugleiðingar og framsýning um kvinnur í fiskivinnuni, listaframsýningar, kappróður o.m.m.

Morgunábit á Biskupstorgi, sum Føroya Banki bjóðar til, setan av Norðoyastevnuni, Treysti-renning, sukklukapping, ítróttur og toppdystir – Kí - EB/Streymur.

Skrúðgongur, miðnáttarrøða í Vágstúni við Sjúrða Skaale, har hann talar til mongu veljarar sínar – hann fekk um 40 % av øllum tøku stemmunum í Klaksvík til Fólkatingsvalið - og setur Klaksvík og alt tað, ið her er, á skák. Felagssangur í Varpinum. Tivoli og stórdansur í KÍ-høllini.

Norðoyastevnurøðan sunnudagin í Vágstúni við Hans Andrias Sølvará, sum hugleiðir um tíðina og felagslívið í Klaksvík fyri 90 árum síðan – men sjálvandi lýtur hann eisini fram í tíð.

Tú kanst eisini vera við til at sniðgeva Norðoyastevnuna, sum verður 30. og 31. mai 2026. Hugskot um tiltøk kunnu sendast inn her: Norðoyastevnuskráin 

Freistin at senda inn hugskot til Norðoyastevnuskránna er hósdagin 21. mai 2026.

So, tað er kanska tíð at hyggja at føroyska búnanum, og silvurið verður pussað. Spennandi verður.