Týskvøldið fer at djúpt lágtrýst at nærkast Føroyum. Nógvur vindur fer at vera rundan um tað. Nógv regn eisini. Forsagnirnar hava verið eitt sindur ymiskar á máli, um lágtrýstið fer framvið norðan fyri Føroyar ella sunnanfyri – ella um tað fer beint tvørturum. Tað broytir veðrið sera nógv, hvar tað passerar okkum. Forsagnirnar í dag rokna við, at tað fer norðanfyri.

Veðrið í vikuni – dag fyri dag.

Mánadagin:

Lot til frískt lot av útsynningi, 3 til 8 m/s, smáskýggjað og turt. Um kvøldið gongur hann niður í sunnan og veksur upp í frískt lot til frískan vind, 5 til 10 m/s, skiftandi skýloft og ælaveður, í støðum vátakavi. Um náttina frískt lot til frískan vind av útsynningi, 5 til 10 m/s, samdrigið og regn ella ælaveður. Hitin 3 til 8 stig.

Týsdagin:

Frískt lot til frískan vind av útsynningi, 5 til 10 m/s, samdrigið og regn ella ælaveður. Út á fyrrapartin slítur í, og vindurin minkar niður í lot til frískt lot, 3 til 8 m/s. Seinnapartin gongur hann niður í sunnan. Út á kvøldið veksur vindurin upp í frískan vind upp í hvassan vind sunnan, 10 til 15 m/s, samdrigið og regn. Um náttina minkar vindurin niður í frískt til frískan vind, 5 til 10 m/s. Hitin 3 til 9 stig.

Mikudagin:

Strúkur í vindi upp í skrið av útsynningi, 13 til 18 m/s, samdrigið og regn, í støðum vátakavi. Seinnapartin gongur hann niður í sunnan. Um náttin fer hann aftur í útsynning og minkar vindin niður í frískan vind upp í strúk, 8 til 13 m/s, enn samdrigið og regn ella vátakavi. Hitin 3 til 7 stig.

Hósdagin:

Frískur vindur upp í strúk í vindi av útsynningi, 8 til 13 m/s, samdrigið og regn ella vátakavi. Um kvøldið gongur hann upp í vestan, og sum frá líður er ælaveður við regni ella vátakava. Hitin 2 til 6 stig.

Fríggjadagin:

Lot til frískt lot til av útsynningi, 3 til 8 m/s, hálvskýggjað og ælaveður. Um kvøldið gongur hann upp í norðan og veksur vindin upp í frískt lot til frískan vind, 5 til 10 m/s, skiftandi skýloft og kavaæl. Hitin úr 7 stigum um dagin niður í frostmarkið um náttina.