Frágreiðing um fiskaútflutning Føroya fyri 2026
Jákup Holm Johannesen hevur sjálvur annar eina fyritøku, sum visualiserar fiskaútflutning og marknaðaratgongd. Teir hava gjørt eina umfatandi frágreiðing um Fiskaútflutning Føroya 2025, sum teir hava valt at givið út alment, tá nú fiskaútflutningur er av almennum áhuga.
Frágreiðingin hevur fingið heitið ”Fiskaútflutningur Føroya 2025 - og samanberingar við Norra, Ísland og Grønland”.
Í kanningini kann millum annað lesast, at fiskaútflutningur Føroya vaks 12,3% - úr 11,4 mia. DKK í 2024 til 12,8 mia. DKK í 2025, at í nøgd lækkaði fiskaútflutningur Føroya 6,4% - úr 559.000 tonsum í 2024 niður á 523.000 tons í 2025, at miðal-tollurin tilsamans fyri føroyskan fisk í heiminum er 10,05% mótvegis 7,22% í Noregi og 7,20% í Íslandi, at høvuðsfiskasløgini eru laksur, makrelur, og toskur, og at vøksturin í virði stendst frá høgum makrel- og botnfiskaprísum umframt øktari nøgd av laksaútflutningi.
Kanningin er drúgv og gjøllig, 100 blaðsíður, og umrøðir viðurskifti sum marknaðaratgongd, fiskaútflutning og fiskasløgini laks, botnfisk, uppisjóvarfisk og flatfisk umframt annan fiskaútflutning.
Øll kanningin kann lesast her.