Við løgum sum Dansa, Sjalusi og fleiri øðrum slagarum hevur Eyðun skrivað seg inn í føroysku tónleikasøguna. Sum oddamaður í Frændur og seinni sum soloartistur hevur hann í fleiri áratíggju verið ein av mest eyðkendu røddunum á føroyska tónleikapallinum. 

Eyðun er kendur fyri sínar fangandi melodiir, sterku føroysku tekstir og eina heilt serliga nærveru á pallinum, sum framvegis savnar fleiri ættarlið frammanfyri pallin. Sangirnir eru vorðnir partur av føroysku fólkaognini, og teir verða framvegis sungnir við fullari megi kring landið. 

Á Tórsfest verður talan um eina framførslu við bæði nostalgi, nærveru og góðum hýri, tá Eyðun Nolsøe saman við sínum vælspælandi bólki fer at levera eina hittparadu við sangum, sum nærum allir føroyingar kenna.

Tórsfest gleðir seg at bjóða einum av teimum stóru føroysku tónleikanøvnunum á pall og ivast ikki í, at hetta verður ein av teimum framførslunum, sum fara at skapa heilt serligar løtur saman við áhoyrarunum.