Norðoyastevnuteitið: Nógvur látur á Spinnarínum
Norðoyastevnuteitið hevði frumframførðslu í gjár og vit vóru við bæði millum áskoðararnar og á pallinum.
Norðoyastevnuteitið gongur hesa vikuna og næstu viku við. Seinasta sýning er á sjálvari Norðoyastevnu leygardagin 30. mai.
Leikt verður á loftinum í Spinnarínum og umstøðurnar eru góðar. Súsanna Olsen, forkvinna í Klaksvíkar Sjónleikarafelag bjóðaði vælkomin og takkaði øllum "ofrunum" fyri at tað er so nemt við at finna evnir at skemta við.
Umframt teir meira rutineraðu leikararnar var eisini stuttligt at síggja ung fólk á pallinum, sum dugdu óføra væl at spæla og skemta.
- Leikstjóri: Noomi Reinert
- Ljóð og ljós: Jóhannes Martin Hansen, Stefan á Smið, Kári Joensen
- Grafik: Reni Heimustovu
- Leikarir: Jákup Guðlaugsson Johansen, Durita Tóradóttir, Snæbjørg Gustavsdóttir, Anita Hansen, Maria Kristina Smith, Liljan Eysturdal Køtlum, Durita Joensen, Emry Jo, Durita Samuelsen
Norðoyastevnan = Norðoyastevnuteitið, so vit heita á øll her um leiðir, at finna sær vegin upp á loftið á Spinnarínum at fleinna hart í ein góðan tíma.
Takk fyri láturin Klaksvíkar Sjónleikafelag! Frálíkt!