Norðoyastevnuteitið: Nógvur látur á Spinnarínum
Norðoyastevnuteitið hevði frumframførðslu í gjár og vit vóru við bæði millum áskoðararnar og á pallinum.
Norðoyastevnuteitið gongur hesa vikuna og næstu viku við. Seinasta sýning er á sjálvari Norðoyastevnu leygardagin 30. mai.
Leikt verður á loftinum í Spinnarínum og umstøðurnar eru góðar. Súsanna Olsen, forkvinna í Norðoya Sjónleikarafelag bjóðaði vælkomin og takkaði øllum "ofrunum" fyri at tað er so nemt við at finna evnir at skemta við.
Umframt teir meira rutineraðu leikararnar var eisini stuttligt at síggja ung fólk á pallinum, sum dugdu óføra væl at spæla og skemta.
Norðoyastevnan = Norðoyastevnuteitið, so vit heita á øll her um leiðir, at finna sær vegin upp á loftið á Spinnarínum at fleinna hart í ein góðan tíma.
Takk fyri láturin Norðoya Sjónleikafelag! Frálíkt!