Tað er trýst á KÍ undan dagsins dysti, tí KÍ hevur bara vunnið ein av teimum fyrstu trimum dystunum. Tað merkir m.a., at NSÍ við einum dysti fleiri er fimm stig frammanfyri undan dagsins dysti. Stóri trupulleikin hjá KÍ í ár líka frá fyrsta venjingardysti hevur verið at skora mál. Víkingur hevur hinvegin havt eina góðkenda byrjan, tí ein trupul dystarskrá hevur kastað fýra stig av til lokala liðið. Avrikini hjá Víkingi benda á, at KÍ kann fara at fáa ein torføran dyst.

Hjá KÍ eru René S. Joensen og Robert Williams langtíðarskaddir. Ivamál er um Odmar Færø, Mark Gonzales, Hall Hansson og Oussama Ali. Jean Carlos hevur fingið loyvini uppá pláss og er nú tøkur. Hjá Víkingi vóru allir leikarar tøkir seinast av teimum, sum vanliga kunnu roknast at verða í uppstillingini.

Dysturin í Klaksvík byrjar kl. 15.00. Dómari verður Bjarki Danielsen.