Samlaða verkætlanarøkið á Fossum er uml. 3 ha, harav eitt grundøki á uml. 3400 m2 til ein komandi kommunalan stovn (barnagarð).

Talan er um sølulendi á uml. 26.000 m2. Byggiøki 1 er uml. 22.000 m2 og er staðsett millum Fossabrúgv og komandi vegin Á Fossum, meðan byggiøki 2 á uml. 3800 m2 er niðanfyri Fossabrúgv.

Dentur verður lagdur á at hava økir, geirar o.a., ið verða útløgd sum fríøkir, sum bindilið millum komandi býlingarnar.

Tað er upp til tey bjóðandi at koma við uppskoti til eina útstykkingarætlan um, hvussu økið og byggingin verður skipað.

Boðgevari kann velja at gera uppskot til útstykkingarætlan fyri tey tvey byggiøkini og stovnin ella einans gera útstykkingarætlan fyri eitt ella bæði byggiøkini, ella koma við einum uppskoti til útstykking av parti av sølulendinum.

Kostnaðurin fyri økið, sum er til sølu, er kr. 480 kr./m2, t.v.s. kr. 12.480.000 og eitt íbindingargjald pr. búeind, sum svarar til 120 kr/m2

Freist at lata tilboð inn er 6. februar. 2026 kl.12.00.

GG: Freistin at lata boð er flutt frá 9. jan. 2026 til 6. feb. 2026, tíðarætlanin á s. 10 í útbjóðingarskrivinum er somuleiðis dagførd tilsvarandi.

Við heimild í omanfyri nevndu kunngerð stendur kommununi frítt at velja millum innkomnu tilboðini ella ongum at taka av. Innkomin tilboð verða viðgjørd í trúnaði, til ognin er seld.

Útbjóðingarskriv lendi á Fossum II

Fylgiskjal 1

Fylgiskjal 2

Fylgiskjal 3

Fylgiskjal 4

Fylgiskjal 5