Veðrið um vikuskifti
Tað er enn luft úr Norðuramerika, sum rekur hendaveg. Hon ornar á vegnum ímóti okkum, tíbetur. Hetta mynstrið hevur verið í nakrar dagar, men nú kemur broyting í.
Í morgin fer rákið at stava frá Miðevropa. Hann fer tí at liggja av landsynningi og suðuri næstu vikuna ella so. Eisini á jólum!
Tað er og hevur verið eitt lítið lot av ymsum ættum í dag, minni enn 5 m/s, smáskýggjað og yvirhøvur turt, í kanska okkurt ælið. Hitin 4 til 9 stig.
Í morgin eitt sindur meira vindur, lot til frískt lot av landsynningi, 3 til 8 m/s, samdrigið og okkurt ælið, í støðum tám ella driv. Seinnapartin og frameftir hálvskýggjað og yvirhøvur turt. Hitin í morgin 3 til 8 stig.
Sunnudagin aftur lot til frískt lot av landsynningi, 3 til 8 m/s, hálvskýggjað og yvirhøvur turt, í støðum tám ella mjørki. Hitin 3 til 8 stig.
Gott vikuskifti.