Tað er gleðiligt at fáa staðfest frá Moody’s, at føroyski búskapurin er sunnur, hóast
avbjóðingar eru.

Tað sum Landsbankin “gloymir” at nevna í tíðindaskrivinum er, at Moody’s boðar eisini frá
hvørjar styrkir og veikleikar eru, sum kunnu broyta ratingina av føroyska búskapinum. Her
nevnir landsbankin:
“Tað hevur týdning, at Føroyar fáa eina góða meting, tí tað økir um álitið hjá
íleggjarum, sum vilja veita Føroyum lán.

Góða metingin ávirkar eisini hvørja rentu landskassin skal rinda fyri síni lán. Jú betri
kredittmeting, jú lægri er rentan, tá ið landið skal taka lán. Ymisk viðurskifti kunnu
gera, at ratingin verður verri, millum annað um skuldin veksur munandi, ella um
landskassin hevur hall í fleiri ár á rað.”

Men tað sum Landsbankin “gloymir” at nevna í tíðindaskrivinum er, at víðari stendur í
frágreiðingini hjá Moody’s:
“A weakening in the relationship with Denmark could also have negative
rating implications”

Hetta er sera tíðandi setningur, nú fimm flokkar á løgtingi arbeiða við at taka Føroyar úr
Ríkisfelagsskapinum, men hetta gloymir Landsbankin at nevna.

Bárður á Steig Nielsen
Formaður Sambandsfloksins