í dag møttu hópin av skúla- og barnagarðsbørnum upp til eina verkstovu á Gallarí á Stongunum, har tey kundu tekna, lesa bøkur og annars vera partur av tí sangi, ið har var.

Her er annars ein forvitnislig framsýning á Gallarí á Stongunum, har nælandi list verður innrammað og sleppur at hanga á barnahædd næstu dagarnar.

Á framsýningina fara Rakul Ró Steintórsdóttir og Eydna J. Steinberg at prýða veggirnar við barnavinarligum tekningum. Rakul hevur myndprýtt egnar bøkur við heitunum Sólja og Súla á Sólferð og Rógvi og Náttarravnur, og tekningarnar hjá Eydnu av dreinginum Tvøra og gentuni Tvassu eru eisini heimskendar í Føroyum.

List í barnahædd bjóðar øllum børnum og vaksnum ókeypis at vitja Gallarí á Stongunum og at vera við í kreativum verkstovum. Fyri børnun í 1., 2. og 3. flokki mánadagin, týsdagin og mikudagin frá klokkan 10. – 12.00.

Framsýningin er opin fyri børnum undir skúlaaldur týsdagin frá 13.00 til 15.00 og fyri størri børnum mikudagin frá klokkan 13.00 – 15.00.

Hetta er fyrstu ferð at hugskotið Barnalist verður roynt her hjá okkum. Tí kunnu broyingar verða gjørdar í skránni, verður sagt av Stongunum.