Tað var ein spentur og eisini ótolin Rodmund Nielsen vit tosaðu við í dag. Hann segði, at nú dragar tað seg um vikur heldur enn mánaðir til nýggi bygningurin hjá Borg verður liðugur. Rodmundur nýttið høvið at takka kommunustýrinum, fíggjar- og tryggingarveitara, arbeiðstakarum og øðrum fyri gott samstarv. 

Umframt hann sjálvan hildu Osbjørn Jacobsen, arkitektur og Turid Arge, stjóri í Føroya Banka og Tórbjørn Jacobsen røður. Heiðrik av Heygum, listarmaður kunnaði um listarverkini, ið fara at prýða bygningin innan. Týr sungu eisini Ólavur Riddararós uttan elektriska íkobling - vakurt. 

Sjóhitaskipanin var tikin í nýtslu og var tað tað 92 ára gamli Eli Hansen, eisini kendur sum Eli í Timburhandilinum, sum trýsti á knøttin.

Bygningurin telur sekst hallir, sum eru bygdar saman. Eina handils- og skrivsovuhøll, og hartil 5 goymsluhallir. Í alt uml. 7.600 fermetur, umframt uttanumøki. 

Takkarbrævið sum Rodmund Nielsen handaði Eli Mikkelsen, maskinførara hjá Kanjon fyri útint verk. Fyri hegni og góðan samstarvsvilja. Eli er lesi- og taluveikur, men hevur góð evni at arbeiða og sum maskinførari er hann útmerkaður.