Í kvøld var fyrsti landsdysturin við Tjarnir frammanfyri yvir 3000 áskoðarum.

Stórhøllin tók seg væl út við spentu áskoðarunum, tá Føroyar-Holland komu á vøllin. Umstøðurnar í høllini eru sera góðar á nógvum økjum. Føroyska liðið gav áskoðarunum ein minniligan dyst móti sterkasta liðnum í bólkinum, Hollandi. Í fyrra hálvleiki vóru Føroyar greitt omaná og førdu við fýra málum í hálvleikinum. Í seinna hálvleiki vendi alt á høvdið, og síðsta part av dystinum lá tað meir til Holland at vinna. Men í síðsta sekundi javnaðu Føroyar til úrslitið 32-32. Mongu áskoðararnir kundu fara glaðir til hús, tó at teir í hálvleikinum kanska vóru farnir at fyrireika seg til ein sigur. Síðsta partin av dystinum vóru heimaáskoðararnir sera mælskir, og tað hjálpti kanska til, at heimaliðið kom afturíaftur.

Stórhøllin fekk eina góða byrjan, og hetta var fyrsti minniligi dysturin í henni. Niðanfyri sást videobrot av tveimum av stópru løtunum frá dystinum. Tá føroyski tjóðsangurin var sungin og tá Føroyar javnaðu til 32-32 í síðstu sekundunum.