Tað sá ikki sannførandi út, men KÍ fekk stigini í fyrsta landskappingardystinum móti 07 Vestur.

KÍ kom á odda 1-0 við máli nr. 200 frá Páll A. Klettskarð, men løtu seinni javnaði 07 Vestur, tá teir spældu seg lætt gjøgnum KÍ-verjuna. Stutt eftir hálvleikssteðgin skoraði Páll aftur. 2-1 til KÍ helt leingi, men 07 Vestur hevði tveir stórar málmøguleikar at javna, men inn vildi bólturin ikki. Ístaðin økti KÍ í longdu leiktíðini við máli frá Deni Pavlovic eftir hornaspark.

KÍ var lítið sannførandi hendan dystin. Spælið hekk ikki saman og leikferðin var lægri enn vit hava sæð í venjingardystunum. Skapandi parturin á liðnum haltar, serliga tá Árni Frederiksberg ikki fær spælt við fullari ferð. Stigini fær KÍ brúkt og vit sóu í hinum dystunum, at tað ikki bara var KÍ av vanligu topp 5 liðunum, sum hevði tað torført.