Í frágreiðing, sum Norðlýsið hevur fingð innlit í, vísur kortið, at dekningurin av FM og MB sendinetinum hjá Kringvarpinum ikki røkkur til stór íbúðarøki í norðoyggjum. Til dømis sæst á kortinum, at vesturarmurin av Klaksvík, Árnafjørður, Kasloyggin og Haraldsund hava lítið ella einki signal.

Stjórin í FT NET greiddi annars frá í Dagur í Viku, at stórur tryggleiki var um FM og MB sendinetið kring alt landið.

Viðhefta kort, vísur FM útbreiðslu, í streymloysi. Dekkað økið er litað blátt og tað sum ikki er dekka er grønt.

Kringvarpið er stovnurin, sum er partur av tilbúgvingini, og skal fáa informatión út til allar landsins borgarar. Tí er vert at seta spurningin, um tilbúgvingin kann góðtaka, at ávís økir hava lítið ella einki samband, uttan at tey skulu gera nakað eyka, fyri at fáa kunning, ið neyðstøðu.