Sambært frágreiðing frá umsitingini er tørvur á eyka gjaldføri, meðan fleiri eykajáttanir eru til viðgerðar, og samstundis vísir gjøgnumgongd av roknskapinum fyri januar til apríl, at summi rakstrarstøð hava avbjóðingar við at halda játtanirnar.

Kommunan upplýsir, at um miðaltrekkið verður 5 milliónir krónur, fer hetta at kosta umleið 100.000 krónur í rentum.

Fíggjarnevndin samtykti á fundi 23. juni at taka undir við tilmælinum og mælir til, at umsitingin fær tilboð frá veitarum um kredittin.

Somuleiðis verður víst á, at um fleiri eykajáttanir verða samtyktar seinni í ár, kann tørvur verða á enn størri fígging.

Býráðsfundurin verður í Varpinum í dag kl. 17.30 og til ber at stroyma hann beinleiðis á heimasíðuni hjá Klaksvíkar kommunu.