Tað hevur leingi verið ætlanin hjá kommununi at umvæla og klæða síðsta partin av útvegginum í 1981 bygninginum í Tofta Skúla. Talan er um veggin, sum vendir niðan ímóti beninum.

Arbeiðið varð boðið út til tríggjar fyritøkur, og tá ið innlatingarfreistin var farin, vóru tvey tilboð komin.

Á býráðsfundi, tann 18. mai 2026, samtykti býráðið at taka av lægra tilboðnum, sum var frá Timburtænastuni.

Arbeiðið byrjar nakað eftir summarfrítíðina og verður gjørt liðugt við ársenda.

Fyri Nes kommunu kemur Teknistovan í Gøtu at hava byggileiðsluna.