Hey øll sum tíma at binda!

Nú fara vit aftur at binda í tí almenna. Sjálvt um trappan hjá heimavirkinum 1912 er tikin niður, so er gott pláss uttanfyri, eitt so gott og hugnaligt stað at sita. So har verða vit   og krossa fingrar fyri at veðrið verður av tí allarbesta! Plan B er at vit seta okkum inn hjá 1912.

Eitt sindur um World Wide Knit in Public dagin:

KIP er eitt ókeypis tiltak‚ sum hevur til endamáls at samla øll bindi áhugaði. Altjóða heitið á degnum er World Wide Knit in Public Day.

Uttan mun til trúgv‚ aldur og kyn‚ hvaðani vit koma‚ ella hvørji vit eru‚ so er tað bindingin sum er felagsmálið.
KIP er dagurin har øll kunnu fara út á geilar og strætir at binda. Fært tú ikki møtt upp‚ set teg so bara útum við stokkunum. Seinastu árini hevur KIP veri hildið víða um annan leygardag í juni. Í ár er hann tann 13.juni.

Tað var Danielle Sanders sum tók stig til tiltakið. Tað byrjaði í 2005 og bleiv so væl móttikið‚ at dagurin var hildin í 25 ymiskum býarpørtum beinanveg. Undirtøkan er vaksandi í 2019 vóru 440 tiltøk í 33 londum. KIP er tí heimsins størsta binditiltak. Hettar verður 8. ferð vit binda in Public í Klaksvík.

Í Klaksvík samlast vit har sum trappan hjá heimavirkinum 1912 var, tann 13.juni kl 12. Minst til at hava stokkar og tað góða lagið við. 1912 hevur opið og hevur drekkamunn og okkurt gott. Tiltakið er liðugt kl 15. Stuttligt hevði verið um vit føroyingar eisini fara fjølment út at binda 13.juni saman við øllum heiminum.

Vilt tú vita meir um WWKIP‚ so kanst tú leita eftur World Wide Knit in Public á Facebook‚ YouTube‚ Instagram og Google