Á Matvørubreytini borðreiddu kokkalærlingarnir við alskyns mati, ið teir høvdu gjørt frá grundini.

Næmingarnir greiddu frá matarlepanum, ið millum annað innihelt: Fisk og kips við ertrapuré, saltfiskakrokettir, fiskasuppu og heittroyktan laks við rómabakaðum rótfruktum.

Harumframt var smyrjibreyð við:

– Stoktari hýsu við brendum sitrónum

– Jákupsskeljum

– Saltfiski við dildkremi

– Sildarætti

– Laksi, gravaðum við reyðkáli

Til dessert fingu gestirnir føroyska rabarbutriflu aftur við kaffinum.

Andras S. Jacobsen, leiðari á Matvørubreytini, sigur, at hetta er eitt gott høvi hjá lærlingunum at læra seg at matgera til størri samkomur (selskap). Nakrir av kokkalærlingunum skulu til sveinaroynd seinni í mánaðinum, so hetta var góð venjing hjá teimum.

At matgera til ymiskar samkomur er ein partur av tí at ganga á Matvørubreytini.

Matvørubreytin takkar gestunum fyri eina sera hugnaliga løtu.

Myndir frá degnum kunnu síggjast niðanfyri.