Í formansskapinum í Norðurlandaráðnum er talið av limum nú økt úr 13 upp í 16 limir, umframt formann og næstformann. Hetta eru umboð fyri allar teir ymisku flokkarnar, og nú eisini tey átta londini, sum eru partur av Norðurlandaráðnum.

Johan Dahl og Erling Eidesgaard, løgtingsmenn, áttu upprunauppskotið, sum formansskapurin í Norðurlandaráðnum síðan tók upp og setti ein arbeiðsbólk at viðgera. Føroysku umboðini í Norðurlandaráðnum, Johan Dahl og Høgni Hoydal, løgtingsmenn, eru limir í ávíkavist “Mittengruppen” og “Nordisk grøn venstre”.

Høgni Hoydal, løgtingsmaður, var frá juni mánað og fram til ársskiftið partur av formansskapinum í Norðurlandaráðnum, umboðandi “Nordisk grøn venstre”.

Finnland tekur við formansskapinum í Norðurlandaráðnum í 2026. Ville Väyrynen verður formaður og Kim Berg næstformaður, báðir úr Finnlandi.

Í 2027 eiga Føroyar, saman við Grønlandi og Danmark, formansskapin í Norðurlandaráðnum.

Í ár, 2026, eiga Føroyar, saman við Danmark, formansskapin í Norðurlendska ráðharraráðnum.