Stríðsval at sleppa í nevndina
Í gjár helt Fiskimannafelagið landsfund í Løkshøll. Fyri fyrstu fer í søgu felagsins skuldu nevndalimirnir veljast beinleiðis á sjálvum landsfundinum
Við broytingini er skipanin við økisvaldum nevndarlimum burtur, t.d sýsluformenn.
Á landsfundinum í ár skuldi sekst nevndarlimir veljast.
Áðrenn fundin var greitt, at Sámal Poulsen og Sólberg Olsen, sum vóru valdir ávikavist í suðuroy og Vágoy, ikki stillaðu uppaftur. Hinir, Magnus Pauli Glerfoss, Per Á Sýnini, Sniálvur Røvilsberg, Hans Vilhelm Danielsen stillaðu allir uppaftur.
Stríðsval at sleppa í nevndina
Sum nevnt skuldu seks nevndarlimir veljast, men, átta valevni vóru at velja í.
Valdir vóru Erling Jacobsen, Gøtu og Hans Vilhelm Danielsen, Tórshavn, Per á Sýnini, Runavík, Sniálvur Røvilsberg, Skopun, Esmar Mikkelsen, Syðrugøtu og John Frank Haraldsen, úr Sandavági. Varalimir eru nú Pól Fuglø, Norðdepli og Magnus Pauli Glerfoss, Klaksvík.
Nýggja nevndin tekur við 1. februar 2026.
Á myndini frá vinstru: Esmar Mikkelsen, John Frank Haraldsen og Erling Jacobsen allir nývaldir.