Sambært svørum á fyrispurningar í Løgtinginum, tíðindaskrivum o.ø. rensli í miðlunum, siga LV, SSL og Samferðslumálaráð, at arbeiðið at tillaga ferjuleguna er liðugt.

Øll undrast. Ferjulegan passar ikki til Teistan, og hjá Sam er verri at leggja at.

Dugnaligir handverkarar

Dugnaligir handverkarar arbeiddu dastið av sumrinum eftir boðum frá LV og SSL. Arbeiðið varð avhendað, sá gott út, og SSL gav boð um, at Teistin fór at sigla.

Frensurin kom í ljós

Men vónin brast fyrstu ferð Teistin skuldi leggja at. Ferjulegan passaði ikki, og frensurin kom í ljós,

Sjónleikur uttan enda

Restin hevur verið sjónleikur uttan enda.

Teistin ger royndir, handverkarar saga betong, og slípa bilverju, gelendarar o.a. nýliga uppsett stál. Teistin roynir aftur, og handverkarar koma aftur at saga og slípa.

Broyta strategi

Strategiin má broytast. LV, SSL og Samferðslumálaráð mugu viðganga feilin, sum er gjørdur. Harnæst mugu manningarnar á Sam/Teistanum og staðkend hoyrast um, hvat skal gerast við ferjulegunar á Syðradali og í Klaksvík, um skip á stødd við Teistan skulu sigla.

Síðan má arbeiðið upp á ferjuleguna á Syðradali gerast av nýggjum, og nógv meir umfatandi enn, tað sum higartil hevur ligið í kortinum.

Harnæst skulu íløgur gerast í rampu og ferjulegu á Varpinum í Klaksvík.

Samanbera við undirsjóvartunnil

Alternativt eigur kostnaðurin á tíggjutals milliónur í ferjulegur, hundraðtals milliónir í nýggja ferju og framtíðar skiparakstur, at sammetast við undirsjóvartunlisverkætlan úr Klakkinum í Kalsoynna, sum í longdini er bíligara og nógv betra loysnin.