Løgmaður fær sjálvur orðið:

– ”Tað, sum er kompliserað, men sum Taks arbeiðir við, er, at tað ikki eru øll, sum hava arbeitt uttanlands, sum hava goldið heilsutrygdargjaldið, og tað sum Taks arbeiðir við, er ein nágreining av, hvør hevur rætt til endurgjaldið. Orsøkin til at tað ikki stendur á fíggjarlógini nú er, at vit vita ikki, hvat tað fer at kosta. Vit vita bara, at tað fer at kosta nakrar milliónir, men eg havi ikki sæð nakra neyva upphædd enn.

Men tað verður arbeitt við tí, fyrst og fremst á Taks, og tá tað yvirlitið er klárt, so verður uppskot um endurgjald lagt fyri Løgtingið, og tá tað er samtykt, fara fólkini at fáa tað endurgjaldið, tey hava rætt til”, sigur løgmaður.