Framsýningin plagar at vera ein hugnaligur dagur, har mong fáa eitt gott prát og njóta tað vakra, sum er bæði fyri eygað og oyrað. Eisini er ein Café krókur, sum Valskúlin hevur.

Sýnt verður fram í báðum miðhallunum á Skúlatrøð. Í niðaru miðhøllini er málningalist, sum Archibald Blak hevur undirvíst í. Í ovaru Miðhøllini eru so rest so sum fotomyndir, veving, brodering, glaslist, leir, maskinbinding, binding fyri nýbyrjarar o.a.

Sjálvt um tað mesta endar nú, so eru tó onkur skeið eftir. Td. Er seinasta freist nú at melda seg til prutlkoyrikort, tí miðað verður eftir at náa eitt skeið afturat í hesum skúlaárinum. Eisini verður virksemi í Vevskúlanum í mai og ikki minst verða seks summarskeið á Syðradali í Kalsoynni, sum Paulina Eliasen hevur. So sigast má, at virksemið er nógv og fevnir um næstan alt árið.

Skráin fyri dagin:

kl. 15:00 Framsýningin byrjar
kl. 16:00 Framførslur (violin, guitar, harmonikur, kvinnu- og manskór)
kl. 17:00 Próvhandan
kl. 17:05 Signild Vilhelmsdóttir, forkvinna í mentanarnevndini, sigur nøkur orð
kl. 19:00 framsýningin endar