Greiða má fáast á í málinum um Bakkafrost
Málið um metstóru bótina til Bakkafrost hevur seinastu dagarnar fylt nógv í miðlunum. Hetta er eitt mál, sum eg fari at taka upp við danska løgmálaráðharran, so skjótt sum ein nýggj stjórn er skipað.
Tað er eingin ivi um, at talan er sum eitt sera óheppi mál, sum hevur skapað ivamál, bæði um mannagongdir og um rættartrygdina í Føroyum.
Ein grundarsteinur í einum rættarsamfelag, sum okkara, er, at ivi skal ikki vera um hvørki rættartrygd ella rættarkenslu.
Fólkið skal kunna hava álit á, at mál verða viðgjørd sakliga og eftir røttum mannagongdum.
Nógvir spurningar eru framvegis ósvaraðir, og tí er alneyðugt, at vit fáa greiðu á málinum.
Vit skulu ikki hava eitt rættarsamfelag, har vit seta spurnartekin við, um mannagongdirnar, sum skulu tryggja rættvísi verða fylgdar.
Anna Falkenberg, fólkatingskvinna fyri Sambandsflokkin