Hetta er seinasti dagur hansara í starvsvenjing. Hann hevur lagt forsagnir út her á heimasíðuni hjá Norðlýsinum nakrar ferðir í tvær vikur. Hann hevur eisini roynt annað enn bert at skriva - t.d. vitjað MRCC og Tórshavn Radio í Havn, gjørt  veðurballónir klárar at senda upp og verið við til at gera sjónvarpsendingar, bæði í Klaksvík og í Havn.

Veðrið í dag

Lítið lot vestan, minni enn 5 m/s, skýggjað ella samdrigið og turt. Seinnapartin lot til frískt lot vestan, 3 til 8 m/s, skýggjað og kanska okkurt ælið. Í kvøld lot til frískt lot norðan, 3 til m/s, samdrigið og okkurt ælið. Hitin 4 til 9 stig.

Leygardagin

Lítið lot av útsynningi, minni enn 5 m/s, samdrigið og turt. Um kvøldið lítið lot av landsynningi, minni enn 5 m/s, skýggjað ella samdrigið og turt. Hitin 2 til 5 stig.

Sunnudagin

Seinnapartin lot til frískt lot av landsynningi, 3 til 8 m/s, samdrigið og kanska okkurt ælið. Um kvøldið lítið lot eystan, minni enn 5 m/s, samdrigið og regn, um náttina samdrigið og turt. Hitin 5 til 8 stig.