Ársins vitanarfróðu er ein kapping, har skúlanæmingar arbeiða við einum evni, sum teir undrast á, kanna og koma til eitt úrslit.

Kanningarhátturin er vísindaligur og hevur 6 stig - at undrast, kanna, leggja eina ætlan, samla upplýsingar við at granska, fáa eitt úrslit og greiða øðrum frá úrslitinum. Hetta er ein rættiliga góður og læruríkur arbeiðsháttur.

Í ár eru tvær kappingar, ein fyri miðdeild og ein fyri hádeild, har vinnandi flokkurin vinnur 3000 kr og lærarin vinnur ferð og uppihald til luttøku á Lærfest á vári í 2027. 

Í ár vóru 8 bólkar frá Skúlatrøð við. Fýra bólkar úr 7.a og fýra bólkar úr 6.b. 

Í kappingini fyri miðdeild vann Eysturskúlin og í kappingini fyri hádeild vann okkara 7.a fyri besta bás og bestu frágreiðing. So flokkurin vann í tveimum førum fyri undranarspurningin: Hvat hendir við trýsti undir vatni?

Umleið 110 næmingar luttóku í Ársins Vitanarfróðu í ár.

Vit eru erin av okkara næmingum og ynskja teimum hjartaliga til lukku við heiðrinum.