Birita Adela Davidsen er útbúgvin klassiskur sangari og hevur fingist nógv við sang, sjónleik og leikstjórn. Umvegis Opera.fo hevur hon skrivað og leikstjórnað fleiri tónleikasjónleikir, bæði fyri børn og vaksin. 

Við tí fyri eyga at skapa størri áhuga fyri klassiskum tónleikasjónleiki millum børn og ung í Føroyum, stovnaði Birita Adela í 2024 leikbólkin “Operetturnar”. Í knapt trý ár hava gentur í aldrinum 9 – 12 ár luttikið í fleiri ymiskum leikverkum, m.a. “Hevur tú sæð Carmen?”, sum varð framført bæði á Tjóðpalli Føroya og í Varpinum, “Operaperlur”, og “Gandafloytan” - sum verður enduruppsett í Norðurlandahúsinum komandi vikuskifti.    

Í grundgevingini frá dómsnevndini stóð:

Heiðurslønin hjá Føroya Ungdómsráði fer til eina eldsál, sum við hjarta, nærlagni og ótroyttiligum arbeiði hevur gjørt ein stóran mun fyri ung.

Hon hevur við sangi og leiki givið ungum gentum dirvi til at trúgva uppá seg sjálvar, ment teirra styrkir, og lært tær virðing, ábyrgd og samstarv.

Við sínum blíða lyndi og jaliga hugburði hevur hon skapt eitt umhvørvi har tær trívast og vaksa.