Vit telva 1-8 eru aftur at fáa
Bókadeild Føroya Lærarafelags endurútgevur bøkurnar “Vit telva 1-8” eftir Bent Larsen, sum Sámal Christianen týddi. Bøkurnar vóru fyrstu ferð givnar út í 1990, men hava leingi verið útseldar. Nú eru tær so, í samstarvi við Talvsamband Føroya, aftur at fáa.
Áhugin fyri talvi er vaksandi í Føroyum, og stórur eftirspurningur er eftir føroyskum lærutilfari.
Talvsamband Føroya ynskir at nýggir føroyskir telvarar kunnu hugsavna seg við talvborði og fáa frálæru á sínum móðurmáli. Tí er Talvsamband Føroya sera fegið, um at bøkurnar ”Vit telva” nú aftur verða tøkar til nýggjar talvspírar.
Bøkurnar umrøða allar partar av talvi, og tí eru fyrstu heftini vælegnað til byrjarar, og seinnu heftini venda sær til royndari telvarar.
Røðin er bygd upp, so tú allatíðina mennir tínar førleikar. Bøkurnar eru dygdargóðar og koma óivað at verða til stóra gleði fyri telvarar, og talvfeløg kring landi.
Heftini kosta 49,- kr.