Luftin, sum rekur hendan vegin, kemur allan vegin úr Russlandi. Har er sera kalt, men tíbetur ornar hon heilt fitt, áðrenn hon er her. Hitalagið fer at liggja úr frostmarkinum upp í stig, í erva fer tað næstan alla tíðina at vera skýggjað og ælaveður, stundum við vátakava. Tað fer at síggja út, sum á myndini omanfyri.

Mánadagin:

Frískur vindur upp í hvassan vind av landsynningi, 10 til 15 m/s. Út á kvøldið minkar hann vindin niður í frískan vind upp í strúk, 8 til 13 m/s. Allan dsagin skýggjað, tó í støðum stundum hálvskýggjað, og ælaveður. Hitin millum frostmarkið og 5 stig.

Týsdagin:

Frískur vindur upp í strúk eystan, 8 til 13 m/s, skýggjað og ælaveður, møguliga við vátakava. Seinnapartin eitt sindur klárar og yvirhøvur turt. Um kvøldið veksur hann vindin til frískan vind upp í hvassan vind eystan, 10 til 15 m/s, skýggjað og ælaveður, møguliga við vátakava. Hitin millum frostmarkið og 5 stig.

Mikudagin:

Frískur vindur upp í hvassan vind eystan, 10 til 15 m/s, skýggjað og ælaveður, í støðum vátakavi. Eitt skifti seinnapartin hálvskýggjað og okkurt ælið. Um kvøldið landsynningur, 10 til 15 m/s, tað dregur á luftina, og tað fer at regna. Hitin millum frostmarkið og 5 stig.

Hósdagin:

Frískur vindur upp í hvassan vind av landsynningi, 10 til 15 m/s, samdrigið og regn ella ælaveður, í støðum við vátakava. Hitin millum frostmarkið og 6 stig.

Fríggjadagin:

Frískt lot til frískan vind eystan, 5 til 10 m/s, skiftandi skýloft og ælaveður. Hitin millum frostmarkið og 6 stig.