Jóan Pauli Jacobsen er kendur í KÍ og hevur fyrr røkt nærum allar uppgávur í felagnum. Í 2009-15 var hann høvuðsungdómsvenjari hjá KÍ og hyggur mann afturá, so vóru hesi árini nøkur av bestu árunum í ungdómsfótbóltinum hjá KÍ. Góð úrslit og nógvir lokalir leikarar seinni vístu seg at hava tað sum skuldi til at sláa ígjøgnum á besta liðnum till eitt topplið. Jóan Pauli var venjari hjá Jóannes Bjartalíð nærum øll ungdómsárini og Jóannes K. Danielsen annaðhvørt ár. Báðir A-landsliðsleikarar síðstu árini. Harafturat vóru nógvir aðrir, sum seinnu vunnu FM og løgmanssteyp við KÍ, partur av vetrarvenjingum o.a., sum Jóan Pauli stóð á odda fyri.

Síðani 2018 hevur Jóan Pauli verið høvuðsungdómsvenjari í ÍF, har hann eisini byrjaði sum venjari hjá ÍF-liðnum, sum í ár vann FM hjá U21, har Jóan Pauli var hjálparvenjari síðani summarsteðgin.

Nú kemur KÍ aftur at fáa gleðina av venjaranum, sum áður hevur uppalt leikarar, sum seinni vístu seg at blíva millum bestu leikarar í landinum. Jóan Pauli hevur fingið høvuðsábyrgdina av U11 og U13-dreingjum og er sáttmálin galdandi í tvey ár.