Um nýggja leikarin sigur Magnus Powell, at Hampus Näsström hevur drúgvar royndir og kemur at økja um kappingina og fleksibilitetin á miðvøllinum. Hann hevur leiðsluevni, er róligur og sera tryggur á bóltinum. Hetta eru alt eginleikar, sum vit hava leita eftir. Við síni stødd kemur hann eisini at verða ein góður stuðul bæði í verju- og álopstøðum.

Hampus, sum kom til Klaksvíkar í gjárkvøldi sigur, at hann er ógvuliga spentur og gleðir seg at umboða og leika fyri KÍ. Eftir samrøðu við høvuðsvenjarin, havi eg fingið eitt sera gott inntrykk av liðnum, felagnum og Klaksvíkini. Nú gleði eg meg til at at koma ígongd og hitta leikarar, leiðarar og øll kring felagið.