Í fleiri førum riggar væl at fáa eitt sindur av spenningi í, tá arbeitt verður við tølum, og spenningurin kann gera tað nógv stuttligari.

2.a hevur í seinastuni lært seg at telja skjótari, at falda og at telja við tabell. Tey hava lært seg trý-tabellina og fýra-tabellina.

Tað geniala hjá 2.a er, at námsfrøðingurin Judith, hevur týtt niðurlagið á einum donskum tabellsangi til føroyskt, og hendan sangin hevur 2.a lært seg at syngja. Tað er nú nógv lættari hjá teimum at minnast tølini og tabellirnar. 

Vit hava nógv fitt og røsk børn á skúlanum, og tey í 2.a takka fyri, at tey sluppu at syngja til morgunsangin í grunddeild.

Hoyr børnini syngja her.