Veðrið teir tríggjar dagarnar, Summarfestivalurin er:

Hósdagin:

Á middegi og eitt sindur út á seinnapartin kemur hann sunnaneftir, 10 til 15 m/s, samdrigið og regn. Seint seinnapartin gongur hann upp í vestan, og so minkar vindurin so við og við niður í, 3 til 8 m/s, og um kvøldið er skýggjað og ælaveður. Fríggjanáttina gongur hann niður í útsynning og veksur vindin upp í 8 til 13 m/s, enn skýggjað og regn ella ælaveður. Hitin 10 til 13 stig.

Fríggjadagin:

Fyrrapartin og eitt sindur framvið middegi 5 til 10 m/s av útsynningi, samdrigið og regn. Seinnapartin minni vindur, 3 til 8 m/s av ymsum ættum, og eina løtu næstan turt. Um kvøldið samdrigið og samregn í einum útsynningsloti, 5 til 10 m/s. Út á náttina fer ættin upp í útnyrðing. Hitin 9 til 13 stig.

Leygardagin:

Hann fer at liggja um vestan allan dagin, 5 til 10 m/s fyrrapartin og eitt sindur út á seinnapartin við skiftandi skýlofti og sólglottum, men eisini onkrum æli. Sum tað líður á seinnapartin minkar vindurin niður í 3 til 8 m/s, og tað er so vindferðin og restina av degnum og kvøldinum við. Loftið skýggjað og sum frá líður er yvirhøvur turt. Hitin 10 til 14 stig.