KÍ vann 2-0 í einum dysti, sum í fyrra hálvleiki var javnur uttan málmøguleikar. Men í seinna hálvleiki kom KÍ sera væl út og Árni Frederiksberg skoraði triðja árið á rað og løtu seinni var 2-0, tá Páll A. Klettskarð skallaði hornasparksinnlegg í málið.

Gott lív var í áskoðarunum móti endanum, tá KÍ koyrdi sigurin trygt heim. Eitt sera flott avrik, tí tað er avgjørt ikki nøkur sjálvfylgja, at eitt føroyskt lið skal senda eitt lið úr Finnlandi út úr altjóða kapping. Góða altjóða gongdin á heimavøllinum í Klaksvík heldur fram, har KÍ ikki hevur tapt síðani 2021.