Tað verður tó ikki drúgt, hetta góða veðrið. Eitt lágtrýst við ikki soo nógvum vindi men við gráum lofti og avfalli er á veg vestaneftir. Tað fara vit at leggja til merkis í morgin, tí fyrrapartin er ikki so klárt meir, skýggini gerast tyngri og tyngri, og so fer at regna um middagsleitið.

Veðrið um vikuskiftið – dag fyri dag:

Tað hevur verið vestan í dag, vindferðin 5 til 10 m/s, loftið klárt ella smáskýggjað við sól ella sólglottum. Nú seinnapartin er minkandi vindur niður í eitt lítið lot, minni enn 5 m/s, framvegis smáskýggjað og sól ella sólglottar. Í nátt melur av ymsum ættum.

Hitin í dag 10 til 15 stig. 

Í morgin er veksandi vindur av eystri, úr einum lítlum loti, minni enn 5 m/s á morgni upp í frískt lot til frískan vind, 5 til 10 m/s á middegi. Skýloftið høgt fyrrapartin og turt, men um middagsleitið tjúknar og tað fer at regna. Út á náttina slítur sum frá líður í, ættin gongur niður í sunnan, og vindurin minkar niður í eitt lítið lot, minni enn 5 m/s.

Hitin í morgin 8 til 13 stig.

Sunnudagin eitt lítið lot av ymsum ættum, minni enn 5 m/s, samdrigið og okkurt ælið. Um náttina útsynningur.

Hitin í ovurmorgin 10 til 15 stig.    

Gott vikuskifti