Nærmasti kappingarneystin hjá KÍ, NSÍ, spælir sunnudagin, og tí hevur KÍ møguleikan at økja munin til nummar tvey í øllum førum í nakrar tímar.

Hjá 07 Vestur hevur álopsleikarin Jonathan Flensborg ikki spælt teir báðar síðstu dystirnar. Hjá KÍ er einki leikbann, men fimm leikarar mangla bara eitt gult kort til at fáa leikann. Hjá KÍ eru Daniel Johansen og Gilli R. Sørensen ikki tøkir enn, tí flytingarvindeygað ikki letur upp fyrr enn sunnudagin. Har væntast Daniel ikki tøkur fyrr enn í fyrsta lagi til dystin 28. juni móti FC Suðuroy. Claes Kronberg venur aftur við fullari ferð, meðan ivamál eru um Robert Williams, René S. Joensen og Hall Hansson.

Dysturin í Sørvági byrjar kl. 15.00. Dómari verður Bjarki Danielsen.