Lýsing
Lýsing
Lýsing
Bláa Lónið, eitt vælumtókt ferðamál í Íslandi | Mynd: Víkurfréttir.

“Annars møta vit ikki upp!”

SKRIVAÐ: Jóhann Lützen  |  19.02.2025 - 13:32 Leiðarin Politikkur

Hugskot til skúlarnar: Bjóðið kommunustýrislimunum út á skúlarnar at greiða frá síni námsferð til Íslands, fíggingarleisti og ikki minst motivatiónsfaktorinum.

 

 

Fyri fáum árum síðani varð samfelagsfrøði innførd sum kravd lærugrein í framhaldsdeildini í fólkaskúlanum. Talan er um somu árgangir, sum vikuskifti eftir vikuskifti skipa fyri bingo, køkutombola, skava & vinn og lutaseðlasølu fyri at fáa pening til vega til námsferð. Tí er neyvan nakar ivi um, at tað í samfelagsfrøðitímunum í 9.-flokkunum hesa vikuna verður fylgt við stórum áhuga við í námsferðini hjá teimum 174 kommunustýrislimunum til Íslands.

Í tíðindunum hava vit nevniliga frætt, at bý- og bygdarráðslimirnir ikki koma til skeið hjá Kommunufelagnum, um felagið heldur skeiðini í Føroyum, og á tann hátt hava teir fingið skattgjaldaran at goldið uttanlandsferð til kommunustýrislimirnar í staðin. Tað hevur víst seg at verið ein stór success, og uppmøtingin er í topp. 

Tí er upplagt, at samfelagsfrøði-lærararnir kring landið bjóðaðu kommunustýrislimunum á skúlan at greiða frá túrinum til Íslands. Næmingarnir eru heilt víst áhugaðir í, hvussu ein tílíkur túrur kann lata seg gera uttan peningainnsavning, og ikki minst í at læra, hvussu nógv í grundini kann røkkast við bert at lata vera við at møta upp til undirvísing, um ein ikki fær skattgoldna uttanlandsferð. Uttan iva fæst nógvur íblástur úr at hoyra um leistin hjá teimum fólkavaldu.

Um fíggjarætlanirnar hjá skúlanum annars loyva tí, so kundu skúlarnir bjóðað kommunustýrislimunum eina máltíð afturfyri, um tað nú er tað, sum skal til fyri at fáa teir at koma.

Lýsing
Seinastu tíðindini
Endurtaka Pop-up kaféina í Varpinum
Bókaframløga í Fríðu!
Summartó­nar 2025
Upptakt: B68-KÍ
Óluva: Vit fara eftir tveimum sigrum
Maritimur dagur á Vinnuháskúlanum
Navna- og búmerkjakapping til nýggja byg…
Eydnuhjól í Skálanum sunnudagin
Metnógvar skaðafráboða­nir í 2024
Navnakapping: Hvussu skal nýggja hotelli…
Missions­húsið á Viðareiði
Bónus steypakappingin byrjar í kvøld
45 ár síðani fyrsti mjólkarpakkin frá MB…
Kanning av nøgdsemi hjá borgarum við pol…
Nýggj TemaNord frágreiðing
Tryggleikin verður tikin frá okkum!!!
Pop-up kafé í Varpinum
Jórun Pólsdóttir tikið sæti á Løgtingi 
Protokollir um fiskavørur undirritaðar í…
Føroya Ellisakfør sýna fram í SMS