KÍ byrjaði betri og hevði fleiri stórar møguleikar beinanvegin. B36 tók av, tá fyrsti møguleikin kom. Ein langur bóltur bleiv sendur fram, Bogi Reinert-Petersen vann ein luftnærdyst og Bartal Páll Klein fór hegnisliga framvið Gaston Tellechea og skoraði við skoti í nærmastu stong.

Í seinna hálvleiki fekk KÍ javnað, tá 64 minuttir vóru leiktir. Páll A. Klettskarð bleiv feldur og Árni Frederiksberg skoraði.Móti endanum av dystinum hevði KÍ nakrar stórar málmøguleikar til at avgera dystin, men tók ikki av.

Ein fínur dystur millum tvey góð lið, har KÍ í málmøguleikum var greitt omaná, men ikki tók av og tí liggur KÍ á einum 3. plássi við 17 stigum fyri níggju dystir. Og vit skulu heilt aftur til 2015 fyri at finna seinast, har KÍ hevði færri enn 17 stig fyri fyrsta triðing.