Vit vóru ein túr norðuri í skúrinum hjá Norðsøka í dag, har var bjóða til køkur og kaffi. Hetta í samband við at Heri Vang hevur keypt gamla Norðsøka úr felagnum hjá pápa sínum og hevur stovnað sítt egna felag. Samstundis er navnabroyting farin fram soleiðis at báturin nú kallast Vónarljós. 

Eg havi keypt bátin úr felagnum hjá pápa. Eg havi gott mót, tí gott fólk er aftrat mær umborð og í skúrinum, sigur Heri Vang skipari á Vónarljós.

Sambært skipalistanum varð Vónarljós fyrstferð skrásettur í føroyska flotanum í 1942. Hann hevur fyri tað mesta hildið til í Norðoyggjum og Eysturoy undir skiftandi nøvnum síðani. 

Niðanfyri sæst yrking sum mamma Hera Vang hevur latið gjørt í samband við eigaraskiftið.