Leygardagin var Signar Hilmarsson, verkætlanarleiðari hjá ÍSF á vitjan hjá FSF, har hann greiddi frá, hvørja neiliga ávirkan snús hevur á avrikið hjá fótbóltsspælarum og ítróttarfólkum sum heild.

Tíverri hoyrist javnan, at snús betrar um avrikið hjá ítróttarfólkum. Men soleiðis er ikki – als ikki – og talan er heilt greitt um eina íspunna søgu. Prógv eru nevniliga fyri, at snús er vandamikið og heilsuskaðiliigt.

Leygardagin var Signar Hilmarsson, verkætlanarleiðari hjá ÍSF á vitjan hjá FSF, har hann greiddi øllum landsliðsvenjarunum, ið eru knýttir at Fótbóltssambandi Føroya, frá, hvørja neiligu ávirkan snús hevur á avrikið hjá fótbóltsspælarum.

Aftaná framløguna fekk FSF Varpið orðið á Signar Hilmarsson. Í samrøðuni greiðir Signar frá, hvørji neilig árin snús hevur á fótbóltsspælarar og ítróttarfólk sum heild. Millum annað hevur snús stórá ávirkan á heilan, nikotinið í snúsi tekur nógva orku úr kroppinum, og snús ger seg eisini inn á evnini at hugsavna seg og reaktiónstíðina hjá íðkarum.