Næstan 3.000 danir hava seinastu vikuna skrivað undir eina undirskriftainnsavning, sum krevur eina kanning av DR. Tað sigur Bent Blüdnikov, ið ein av teimum, sum hevur tikið stig til átakið, og sum er fyrrverandi kjakredaktørur á Berlingske.

Ítøkiliga heitir bólkurin aftanfyri átakið borgerbrev.dk á donsku stjórnina um at seta í gongd eina óhefta kommissión at gera eina kanning av dekninginum hjá DR av stríðnum í Miðeystri. Stigtakararnir halda seg kunna prógva, at dekningurin hevur verið ”demoniserandi”.

Um undirskriftainnsavningina

Stigtakararnir til borgerbrev.dk eru Bent Blüdnikov, journalistur og søgufrøðingur, redaktørurin Dan Harder, fyrrverandi DR-journalisturin Jannich Kofoed, umframt filmsdokumentaristurin Simon de Tusch-Lec.

Bólkurin aftan fyri átakið hevur funnið 50 ítøkilig dømi um tað, tey halda vera problematiskt í dekninginum av krígnum. Dømini spenna víða: Nøkur snúgva seg um, hvørt tað er rætt juridiskt at lýsa hersetingina av Vestara Áarbakka sum ólógliga. Onnur seta fokus á faktuellar villur, so sum ein upplysning um, at 80 prosent av heimsins hungursraktu eru í Gaza.

Niels Kvale, redaktørur á DR, svarar í Kristeligt Dagblad undirskriftainnsavningini, at tey sjálvandi hava gjørt onkur mistøk, og tey verða rættað. Men at tey gera sær altíð ómak fyri at tryggja ein ”neutralan, ópolitiskan og sakligan dekning”.

Undirskriftainnsavningin kemur í kjalarvørrinum av, at danski mentamálaráðharrin november segði, at hann vil hava DR kannað fyri politiska slagsíðu. Hetta skal eftir ætlan henda í sambandi við komandi miðlasemjuna, har pengar skulu setast av til eina kanning av hesum.

Kelda og víðari lesnaður: Berlingske