Summar Festivalurin 2025 er av. Vikuskiftið var lívligt og skiftandi, og samanumtikið var festivalurin sera góður.

Eftir frálíka byrjan hóskvøldið var fríggjakvøldið nakað merkt av vánaligum veðri.
– Broytingar máttu gerast, og vit harmast, at hetta órógvaði upplivingina. Ikki minst tí kundu vit øll fegnast um, at leygarkvøldið varð eitt av bestu festivalkvøldunum yvirhøvur. Framúr konsertir, nógv fólk, framúrskarandi huglag og nógvar góðar upplivingar, sigur Summar Festivalurin.

Fyriskipararnir eru takksamir fyri undirtøkuna, sum festivalurin aftur í ár fekk, og í næstum verður farið undir at fyrireika nýggjan festival næsta ár.

Summar Festivalurin í 2026 verður dagarnar 6. til 8. august.