Í sambandi við stóra dagin hevur Jákup Pauli fingið heiðurstekin frá kongi, Den Kongelige Belønningsmedalje, sum viðurkenning fyri trúgva tænastu.

Jákup Pauli byrjaði sum postboð í 1976, tá nógvur postur varð borin út til gongu, og hann var tá bert 17 ára gamal. Í dag kennir hann hvønn ein postkassa í Stremoynni og ger eitt framúr arbeiði óansæð veður og vind. Hvønn dag í árinum.

Posta takkar Jákupi Paula fyri øll árini, fyri ídni og tað arbeiði sum hann hevur gjørt, og framvegis ger fyri viðskiftafólk, og ynskir honum hjartaliga til lukku við heiðrinum.