U21-menninir hjá Føroyum vunnu bronsu í HM-kapping í Hollandi í fjør - eitt bragd! Tá teir komu aftur til Føroya, fóru teir ein busstúr kring landið, og sjálvandi skuldu teir til Klaksvíkar, har millum annað U21 leikarin Rókur Ziskason er slektaður. 

Teir vitjaðu ymsastaðni, í KÍ hjallinum hjá Niels Olaf Sølvará - beiggja professaran, Í Djúpumýru, har teir keyptu KÍ-blusur og eisini úti í Víkunum hjá Fríðini Ziskason, sum er mammubeiggi Rók. Fríðin var sjálvur ein av stovnarunum av Team Klaksvík. Har fingu teir bæði vátt og turt og fitt av prikum eisini - fyrsti dystur, sum Team Klaksvík vann, var móti H71, nógvur látur og gott lag. Óli Mittún varð so hugtikin av vegaskeltinum á húsunum hjá Fríðini, at ein mynd mátti takast - og ta myndina hevur Óli á sínum fb-vanga.