Eli Tausen á Lava útgevur "Book of Lies"
Í dag hevur Eli Tausen á Lava útgivið nýggja staklagið “Book of Lies”. Lagið er tað fyrsta av fimm løgum úr hansara komandi EP við sama heiti. “Book of Lies” er ein sonevnd “dark ambient” tulking av okkulta verkinum “The Book of Lies” eftir Aleister Crowley. Komandi tíðina verða løgini útgivin eitt og eitt inntil EPin er fullkomin í januar.
Við nýggja staklagnum hevur Eli brotið frá sínum friðarligu klavertónum og funnið sær eitt myrkari ljóð. Tó er helst okkurt mann kennir aftur. Í sínum seinasta tíðindabrævi skrivar hann soleiðis:
“Eftir at hava útforskað minimalismu ígjøgnum mín tónleik í fimm ár, havi eg følt meg til reiðar at seta eina nýggja kós. Eg vendi aftur til ymiskt sum plagdi at hugtaka meg tá eg var yngri. Við íblástri frá tónleikarum sum Genesis P-Orridge og teirra “Thee Temple ov Psychick Youth” og relateraðu tónleikabólkunum Psychic TV og Coil, er mín áhugi í tí dulda, tí mystiska og tí ókenda endurføddur.”
“Book of Lies” kann hoyrast her: https://ffm.to/elitausenalava-bookoflies