Hósdagin og fríggjadagin fer líka lýggj og slavin luft at reka ímóti okkum vestaneftir og av útsynningi. Yvirhøvur fer veðrið at vera tað sama sum í dag, men hann fer vesturum, og tað fer at gera mun á veðrinum í støðum kring landið.  

Veðrið í vikuni – dag fyri dag:

Í morgin:

Fyrrapartin fer hann at liggja av ymsum ættum, minni enn 5 m/s. Móti middegi verður hann útsynningur og veksur upp í lot til frískt lot, 3 til 8 m/s. Loftið skýggjað og ælaveður. Út á seinnapartin gongur hann niður í sunnan. Um kvøldið er hálvskýggjað og bert okkurt ælið; um náttina ælaveður. Hitin 10 til 14 stig.

Mikudagin:

Allan dagin sunnan, bert eitt lítið lot, minni enn 5 m/s, skiftandi skýloft við sólglottum og ælaveðri. Um náttina lítið lot av útsynningi. Hitin 8 til 14 stig.

Hósdagin:

Lítið lot av útsynningi, minni enn 5 m/s, hálvskýggjað og okkurt ælið. Út á seinnapartin gongur hann niður í sunnan og veksur upp í lot til frískt lot, 3 til 8 m/s, skýggjað og ælaveður. Um náttina eitt sindur meira vindur, frískt lot til frískan vind av útsynningi, 5 til 10 m/s, skýggjað og ælaveður. Hitin 8 til 14 stig.

Fríggjadagin:

Frískur vindur upp í strúk av útsynningi, 8 til 13 m/s, skiftandi skýloft og ælaveður. Hitin 9 til 13 stig.